مرحبا
اسمي هدى
عندي بنت عمرها سنه و٥ اشهر .. المشكله انو بنتي قويه كتير وبشدها الاطفال الي اكبر منها والاطفال الي جيلها بخافو منها لانها بتعض وبضرب وبتقرص حتى انا امها بتصرف معي هيك وهاد الشي مدايقني كتير ومش عارفي اغيرو
حاولت معها القصاص يعني كل متتصرف غلط بقعدها عكرسي اسمها كرسه القصاص وهي بتعرف انها مقاصصه وبتنزلش غير ما اطلب منها
وجبتلها لعبه وسميناها ميمي علمتا انها تبوسها وتعبطها ودير بالها عليها
ومع هيك بعدني مش عارفي اعالج المشكله ..
تاني شئ اذا ممكن تعطيني فكره على الالعاب الي بتساعد عالتطور الطفل بعمرها غير الليغو ، طابه ، مكعبات ، قصه ، ادخال الشكل المناسب .... وشكرا
 
     
  عزيزتي

بشكل عام يتصرف الأطفال بعدوانية لسبب معين، ممكن انها ترى عنف امامها بالتلفاز او بطرق أخرى، وممكن انها تغار من أمر أو تريد التعبير عن شيء ولانها لا تستطيع التعبير عنه تتصرف بهذا الشكل.
واحيانا تكون قلة التلاقي مع اولاد بجيلها هي السبب في ذلك، فمن المهم ان تجدي لها إطارا اسبوعيا للعب مع ابناء جيلها لتعتاد على قوانين اللعب الجماعي، ومن المهم ان تكوني معها لتوجيهها، أنا أفضل طريقة التعزيز أكثر من القصاص، مثلا لو عملت تصرف ايجابي مع طفل اخر أعطيها تعزيز واضح لتعرف انه تصرفها سليم، ولا اعارض فكرة كرسي القصاص لكن لا تكثري من استخدامها،فتفقد وظيفتها التربوية، حاولي ان تجدي الايجابيات وتعززيها
فكرة الدمية هي فكرة جيدة ومميزة، تابعي بها،
بالنسبة للألعاب فهي عديدة، يمكنك التوجه الى دكان تربوي أو مكتبة وأطلبي ان يعرض لك الالعاب التربوية المختلفة عنده، وبالتأكيد الألعاب التي ذكرتيها ملائمة جدا ويمكن اضافة العاب الحاسوب لهذا الجيل، طبعا بتوجيه منك، مثل اصوات الحيوانات، موسيقى، أغاني لطيفة لهذا الجيل .....

تحياتي،

ديانا